Talrik hjortestamme
Hjorten er særs talrik i fjellsidene og bygdene rundt Ålfotbreen. Dette er blant kjerneområda for hjort i Noreg. Frå 1800-talet og framover på første del av 1900-talet var hjorten mindre talrik og hadde vesentleg mindre utbreiing enn den har i dag.
I Ålfoten, Hyen og områda mellom har det derimot vore hjort i fleire hundre år, og dette er eit av dei områda kor hjorten seinare har spreidd seg ut i frå.
Ein sterk jaktkultur
Sidan her har vore hjort so lenge, so har det og vore drive hjortjakt her i lange tider. Her er lange tradisjonar kring hjortejakt, og den dag i dag er det ein sterk jaktkultur i desse bygdene.
